الخميس، 6 ديسمبر، 2012

ملاحظة سريعة عن طريقة التثقيف في المجتمع

’’ من خلال ملاحظتي لثقافة المجتمع إلي أنا عايش فيه الأسبوع إلي فات
لاحظت إن بنسبة 91% من المجتمع يعتمد علي التثقيف السمعي.
يسمع برامج التوك شو.
ويكون من خلالها خلفيته الثقافية عن كل شيء يدور حوله.
ودا طبعاً يخليه يبُص للأمور بطريقة سطحية يعني معسول الكلام أو إلي يعرف يتكلم ويسيطر علي الحوار سواء صح أو غلط يقتنع بكلامة ‘‘

الخميس، 8 نوفمبر، 2012

المواقع الاباحية

قبل أي كلام خلينا نكون متفقين عـلي إن "الافلام الاباحية" بتهدد إنسانية إلـي بيتفرج عليها .
وبتهين أدمية كل واحد بيشوفها.
بس هو معقول يكون الحل هو "إغلاق المواقع الاباحية" ؟

خلينا نشوف الإحصائيات دي قبل أي كلام .

بالاستعانة بموقع اليكسا أشهر مواقع تحليل زيارات صفحات الانترنت لمعرفة أكثر الدول دخولا إلى احد أشهر المواقع الإباحية تبين تصدر الولايات المتحدة لعدد الزيارات إلى هذه الموقع تليها إيران ثم الإمارات العربية ومصر ثم الكويت بالمرتبة السابعة والسعودية طبعاً .

قائمه بالدول الأكثر زياره للمواقع الإباحيه

نسبة الزيارات البلد

25.2 الولايات المتحده

7.3 إيران -محجوب

7.1 الإمارات العربيه المتحده
-محجوب
5.5 مصر

4.0 البحرين -محجوب

3.6 كندا

3.4 الكويت -محجوب

3.3 الهند

3.3 فيتنام

3.2 قطر

2.5 السعوديه -محجوب

2.4 السودان

2.2 الصين -محجوب

2.1 فرنسا

1.8 فلسطين

1.5 أندونيسيا



 

أكثر الدول حيازه لصفحات إباحيه

عدد الصفحات الإباحيه البلد

244.661.900 الولايات المتحده

10.30.200 المانيا

8.506.800 المملكه المتحده

5.655.800 استراليا

2.700.800 اليابان

1.080.600 روسيا

1.049.600 بولندا

852.800 اسبانيا

الشات مش محظور

تؤكد الإحصائيه ان أكثر من 80% من مستخدمي الأنترنت يستخدمون برامج المحادثه الفوريه وغرف الدردشه وهي بعيده كل البعد عن الخطر على الرغم مما تمثله من خطوره على روادها لكثره مايحدث فيها من حالات إبتزاز جنسي ومادي احيانا ...

مكاسب غيرمعقوله

تشير الإحصائيات الى ان أرباحا طائله تجنى من وراء صناعة الإباحيه تنفي النظريه القائله بان القائمين عليها مجرد هواة او شواذ عابثين بل هي تتساوى مع الأنواع الأخرى من الصناعات ذي التأثير السلبي على المجتمعات كصناعه التبغ والمخدرات تقوم على صناعتها وترويجها جهات منظمه قد تدعمها الحكومه لما لها من أرباح طائله قد تمثل دخلا قوميا لبعضها بدعوه سياسات الإنفتاح والحريه الشخصيه

أرباح صناعة الأباحيه

1.00 الفلبين

 27.40 الصين

1.00 تايوان

25.73 كوريا ج

0.64 المانيا

19.98 اليابان

0.60 فنلندا

 13.13 الولايات المتحده

0.46 التشيك

2.00 استراليا

0.25 روسيا

 1.97 المملكه المتحده

0.20 هولندا

 1.40 ايطاليا

0.10 البرازيل

 1.00 كندا

إحصائيات خيالية

- أكثر من 28 ألف مستخدم انترنت يتصفح مواقع إباحيه في كل ثانيه

- 372 مستخدما يكتبون كلمه بحث عن المواقع الإباحيه في كل ثانيه

- تنتج الولايات المتحده شريط فيديو اباحيا جديدا كل 39 دقيقه

- أكثر من 3 الآف دولار تنفق في الثانيه الواحده على المواقع والأفلام الإباحيه

 

 الزوار حسب الفئات العمريه

النسبه من عدد الزوار الفئه العمريه

13.61% 18 الى 24

19.90% 25 الى 34

25.50% 35 الى 44

20.67% 45 الى 54

20.32% 55 ومافوق

 


المرأة والمواقع الإباحيه

- يبلغ اجمالي عدد النساء من المواقع الإباحيه نحو 9.4 ملايين أمراه شهريا

- 23% من زوار الموقع الإباحيه هن من النساء

- يبلغ عدد النساء من زوار غرف الدردشه ضعف عدد الرجال

- 17% من النساء الزائرات يكافحن إدمانهن لتصفح المواقع الإباحيه

إحصائيات عامه

- يبلغ عدد المواقع الإباحيه على شبكه الأنترنت 4.2 مليون صفحه

- 66% من المواقع الإباحيه لا تحتوي على إنذار بكونها للكبار فقط

- 25% من المواقع تحاصر زوارها عند الخروج منها

- عدد مرات البحث عن المواقع الإباحيه بمحركات البحث 68 مليون طلب يوميا

- عدد الرسائل الألكترونيه الإباحيه من مستخدمي النترنت 42.7% من اجمالي زوار الشبكه

- تبلغ نسبه تحميل المواد الإباحيه عبر الأنترنت 35% من اجمالي المواد المحمله

- يبلغ عدد المواقع الإباحيه التى تحتوي على مواد إباحيه للأطفال اكثر من 100.000 موقع

- يبلغ إجمالي عدد الزوار الشهري للمواقع الإباحيه على الشبكه اكثر من 72 مليون زائر

- 89% من زوار غرف الدردشه يخوضون في موضوعات جنسيه كنوع من انواع التحرش

- يفوق الدخل السنوي لصناعة الإباحيه عبر الأنترنت 12 مليار دولار امريكي

- 20% من الزوار أعترفو بدخولهم الى المواقع الإباحيه اثناء تواجدهم في العمل

الأطفال والإباحيه

- يبلغ متوسط عمر الأطفال الذين يتعرضون للمواد الإباحيه لأول مره 11 عاما

- متوسط عمر الأطفال الأكثر إعتيادا على الدخول الى تلك المواقع من 15 الى 17 عاما

- 40% من الأطفال لا يترددون في ذكر بياناتهم الشخصيه والعائليه أثناء استخدامهم للأنترنت عن طريق البريد الألكتروني أو غرف الدردشه

- مايقارب من 26 شخصيه كارتونيه محببه الى الأطفال تستغل لأصطيادهم الى المواقع الجنسيه

- 1 من 4 نساء يشتكين من تعرض اطفالهن للأستغلال الجنسي عبر الأنترنت

- يبلغ الربح السنوي التقديري لأستغلال الأطفال جنسيا عبر الأنترنت 3 مليارات دولار امريكي

- أكثر من 2000 صوره مخله للأطفال تبث أسبوعيا على الأنترنت

- 1 من 5 اطفال تعرض للتحرش الجنسي من قبل شواذ أثناء تواجده بغرف المحادثه و 25% ممن تعرضوا لذلك قامو بإبلاغ أولياء امورهم

ذكرت وزارة العدل الأميركية في دراسة لها أن تجارة الدعارة والإباحية الخلقية تجارة رائجة جدا يبلغ رأس مالها ثمانية مليارات دولار ولها أواصر وثيقة تربطها بالجريمة المنظمة.

وإن تجارة الدعارة هذه تشمل وسائل عديدة كالكتب والمجلات وأشرطة الفيديو والقنوات الفضائية الإباحية والإنترنت. وتفيد الإحصاأت الاستخبارات الأميركية (FBI) أن تجارة الدعارة هي ثالث أكبر مصادر دخل الجريمة المنظمة بعد المخدرات والقمار حيث إن بأيديهم 85 % من أرباح المجلات والأفلام الإباحية.


 دراسة بريطانية أخرى :ارتفاع معدلات الوفيات عند الرجال في سن 20 ـ 40 عاما نظرا لإدمانهم على تلك المواقع.



وفي عام 2001 قدرت دراسات مجموع تجارة الإباحية ما بين 2.6 و 3.5 بليون دولار أمريكي وكان توزيعها كالأتي:


الأفلام الإباحية ++ 500 مليون إلى 1.5 بليون

الإنترنت 1 بليون

الدفع مقابل المشاهدة 128 مليون

المجلات 1 بليون

----------------------------------

نيجي للوضع عندنا هنا في مصر.

- تقنياً : عندنا النظام التقني بيبقي عبارة عن فلترة.

طبقاً لإحتواء الموقع كلمة معينة زي "جنس" "نساء" ’’ علي سبيل المثال

بيكون الحجب بشكل تلقائي ودا إسلوب غبي جداً ومعني كدا إنو ها يعرض المستخدم لمشاكل لا حصل لها.

يعني لو موقع عارض مقال عن ’’ كيفية تحديد "جنس" المولد ؟ ‘‘ . دا هايتم حظرة لان في كلمة محطوطة في قاعدة بينات الفلتر إنها تتحظر .




- إجتماعياً كلنا نفتكر يوم 28/ يناير /2011 لما الحكومة استغبت وقطعت النت عن الشباب.

إلـي كان اعد بيتابع من علي الشاشة . نزل الشارع والعدد بقي أكبر الاحتكاك بقي أكتر.


بظبط دا إلـي ها يحصل الجريمة الجنسية ها تزيد إغتصاب ، تحرش

وخلينا برضو متفقين إن الممنوع مرغوب ولو بفرض فعلاً تم تنفيز الالية دي هايتم التغلب عليها في أقل من 3 دقائق لا أكثر وممكن أقل . ببرامج البروكسي الي مالية النت.

 فا هيا اساساً ملهاش لزوم فا إحنا نشوف إية اصل المشكلة 

بطاله ، تأخر الزواج ، مفيش رحمة من الأهالي  ، ضغط إجتماعي ، ضغط إقتصادي
علي سبيل المثال وليس الحصر . 
  

’’الأصل فى الإمتناع عن الحرام كونه متاحا فيبتعد الإنسان عنه طواعية لا كرها ‘‘

-إقتصادياً

التكلفة المبدئية التى تتحملها الدولة لحجب المواقع الإباحية على شبكة الإنترنت تتراوح بين 70 إلى 100 مليون جنيه مصرى مقال التكلفة



ممكن بـ الـ 100 مليون إلي ملهومش أي لزوم لان محدش يقدر يمنع حد عن حاجة حتا لو حجبها عنة.
نعمل مشروعات ونشغل الشباب إلـي هوما الفئة الاكثر تضرر من المواقع  ونكون ضربنا عصفورين بحجر واحد .
قضينا علي جزئ من البطاله وبكدا يقدر يتزوج . وشغلناهم في حاجة مفيدة لان لو جينا نبص علي أسبابب تصفح المواقع دي . أول سبب هوا الفرررررراغ.

الفراغ = إكتأب -----> كبت بيطلع في الصفحات دي .

من الاخر
حرية + رفاهية = تقدم
قمع + فقر = ثورة
حرية + فقر = فوضى
ومن الحجات إلي بتشوة طبيعة الإنسان وأدميتة
قمع + رفاهية = حيوان

بظبط زي بعض الدول العربية إلي فيها حالياً نسبة شزوزعالية جداً

معادله بسيطة لو خلينا السعودية تحتفظ برفيتها وعطناهم الحرية ها تلاقيهم بيطورو صوريخ

هات إنجلترا وخليها في رفاهيتها واعمل لها قوانين قمعية وتعالى بعد سنتين حتلاقي في شزوز وهاتلاقي الست بتشقط ست من علي النت :D

 

الأحد، 21 أكتوبر، 2012

‘‘قبل أن تفكر في النجاح علي المستوي الإجتماعي يجب عليك أن تتخطي إختبار النجاح الشخصي

الخميس، 23 أغسطس، 2012

مورسي والحيزبونة

أنا قررت إني أكتب التدوينة دي من فترة بس كنت مكسل جداً،،
.. لحد ما جالي إنفتيشن



هحاول ...أحكي الموضوع كله خلال قصة بسيطة
الشخصيات الأساسية :

(مووورسي بواب العماره ، الست بكيزه جماعة موورسي بواب العمارة  ، الأستاذ مصري صاحب العمارة ، الواد فلفل فرفوور وحراامي )

...موورسي بواب العمارة طالع عينه شيل وحط وكل حاجه تتسرق...يلبسووهافي الراجل..ويروح يتحقق معاه..ويتسجن علي ذمة التحقيق ويضرب علي أفاه لحد مايبان له صاحب...
الأستاذمصري ابنه قال له تعالي أقعدمعايا(ابنه عايش في إنجلترا)..وبيع كل حاجه لينافي مصروكان بيحب جدامورسي ومتعاطف معاة البواب. .قام كاتب له عقد بيع وشراءالعمارة كله
..بقي في يوم وليله صاحب ملك
مرسي راجل طيب وغلبان مراته بكيزه بعيدعن السامعين حيزبوون 
مبدئياً كدا أبونا الحاج مووووووورسي أول إراد جالو من الشقق دي راح عمل بيه عمرة وبقي اسمه الحاج مورسي

الحيزبون بكيزه.. بقي..طبعاً مطلعه روح مرات البواب الجديد ماهر..ومراته..داانتاحرامي..داانتاابن ستين في سبعين..ولومراته قالتلها أستاذ مرسي فين ولا الحاج مرسي فين تنط في وشهاوتقولهابتقوولي إييييييييه !!!
اسمه مرسي بيه مرسي بااشا

الوادفلفل الفرفوورالحراامي اللي محدش بيشك فيه خالص أصل أبووه ظابط كل شوويه يسرق حاجه لدرجه إن وصلت بيه الجرأه إنه يخش بيت الحاج موورسي اللي في الدور التالت ويسرق فلوس من الدولاب..والحيزبونة شافتة  صوتت..راح ضربهاعلي دمغها...أغمي عليها ولما فاقت بيسألوها .. وطبعاالحيزبونه تهمتها في الغلبان..ماهرومرااته..لأنهاتخاف تتهم ابن الظابط أصل يتقلب عليهم وماهر اضرب في القسم وطلع عين أمه واتهمووه أنه حرااام
ياارب الرسالة تكون وصلت بوضوح
 
,, الاخوان : ،، مصلحت الجماعة فوق الوطن والله الموفق والمستعان  ‘‘

الثلاثاء، 26 يونيو، 2012

تمكين الشباب

واحد صحبي حط بوست علي جروب المعهد بيقول :
برنامج تمكين الشباب عامل دورة تدريبية يوم 10/6 وهتخلص 14/6
وهتكون فى المنصورة من 10 ل4 يوميا تقريبا والكورس مجانى
اللى حابب يحضرها يبلغى وبس
 وبعدها خاد اسمي ورقم موبيلي ، المهم أنا نسيت الموضوع أساساً وقلت عادي تلاقية نسا .
 فا في يوم لقيت واحد صحبنا إحنا الاتنين :D > بعتلي رساله بتقولي أروح بكرة نادي السعادة في طلخا علي شان الكورس الساعة عشرة:D
 طبعاً ومن غير تفكير سبيت ولعنت في الاتنين يا ولاد المرة مش جاين تقوليلي الا الواقتي ؟ :D 
. المهم صحيت الصبح علي أخري لبست وركبت ونزلت الموقف وخت تكسي ووصلت هناك.
دخلت  معرفش غير واحد بس رحت قعدت جمبة ، إتكلمنا شوية دخل صحبي الي حجزلي قابلتة ببتسامة عريضة ويليها شخرة بسيطة :D إنتا مش جاي تقولي إلا قبلها بيوم ؟!!
أعدت مليت الابلكيشن . وكان في شوية أسئله سايكولجي كدا :D أعت اظبطهم علي مقاسي :D .
قعدنا المحاضرين دخلو حطينا قواعد لورشة العمل سوا
محضرين محترفين ، مقدرين قيمة الوقت ، ومقدرين الطاقات الي قدمهم بيقدرو يوصلو المعلومة بكل سهوله ، وكان مدة الكورس 5 ايام 
بختصار كدا . 
عملنا ورشة عمل . لحقوق الانسان . وكانت عبارة عن 10 أفراد .. 
بيحلو اللغز دا :


مركب . حمولتها زيدة . والي عليها 
رجل دين مسيحي ، رجل دين مسلم ، سباك ، مبلط ، محامي ، قاضي ، مصاب بـ الإدز ، سيكسي وركر 
مطلوب إننا نرمي إتنين منهم .
فريق العمل ، كانو ناس محترمة . كنا 3 بنات و 4 شباب . أعمار مختلفة . بعد نقاش طووووويل ، إخترنا نرمي السكسي وركر والمصاب بفيرس سي ، إستناداً إلي مبداء المجتمع إلي إحنا عايشين فية . 
دا عندة الايد المناعة مفيش واحتمال يكون مارس الجنس مع السكسي وركر ، ونقلها العدوة . وتعدي كل الي في السفينة فا هما دول إلي رميناهم .
بس الصراحة ، وهو المحاضر بيقول قلت بس إستنداً لمبادئ حقوق الانسان ، مينفعش نرمي حد لان الكل لية الحق في العيش والبقاء ، وأنا مش إله علي شان أكحم علي حد دا أول حاجة جت في دماغي وبعدين قلت لاء ، غلط غلط هوا المفروض ارمي حد علي شان الباقي يعيش افضل .
وطلع في الاخر ، التفكير بتاعي الاول هوا الي كان مطلوب مننا إننا نوصله . في ناس رمو رجال الدين وناس رمو العمال . يعني كانت بوظة الصراحة وأنا كنت معاهم بوظتين :D 

. وخدنا حاجة زي هوم ورك كدا ، ندور في موضوع دستور البرازيل وجنوب أفرقيا 
البرازيل : النصوص الإقتصادية والاجتماعية .
جنوب أفرقيا : الحقوق المدنية والسياسية .

طبعاً أكتر حاجة لفتت نظري وأنا بدور في موضوع الدساتير دا .
في البرزيل إنهم بيعملو كل فترة تعديلات دستورية ، ليتطابق مع . الوضع الراهن ، وتطورات الامر في البلاد .

وفي جنوب افرقيا إن كل عناصر الشعب تقريباً شركت في كتابة الدستور وإحترمو الحقوق لكل شخص وتعداد الاديان والغات .

المهم بحثت فية كويس وذكرتة وحفظت نقط كتير وقرأت نصوص كتير من الدستورين وكتبت نووت كدا . فيها كل الي أنا إستنتجتة . 
جة اليوم التالت مقدرتش اروح أساساً لظروف صحية .. 
رابع يوم رحت لقيت في وجوة جديدة ووجوة مش موجودة ، وطبعاً رايح مش شايف قدامي . اليوم الي محضرتش فية ، عرفو انواع القادة وأنا محضرتش 
وعملنا إسكتش مسرحي ، 
.
قاضي ، محامي ، 3 متهمات .
قضايا مختلفة :


 أغلبها بتصب في موضوع المخدرات ، والجنس ، واصدقاء السوء ، والسرقة 
طبعاً الاداء فوووووووق الممتاز من البنات والقاضي وبما إني أنا  المحامي فا كنت محامي فاااشل .
 فجأه معتش قادر اتكلم . ومعتش حافظ حاجة من الي المفروض بقولها .. واتلبصت علي عيني .:D 

 المهم قسمنا نفسنا ورش عمل ونكتب 8 مواد من الدستور . كان مجموعة . يعني كويسة كان فيها عناصر من 6 إبريل جبه أحمد ماهر . وبدئنا نصيغ الدستور طبعاً مش شايف وأنا اساساً مش بعرف أكتر بلغة العربية الفصحي ضعيف فيها جداً فا بفضل العمية . فا أقول الي عايزة كدا ,, بوئيئي’’ بلبلدي كدا والي كان مسؤل النصوص يصيغ .
فا حصل نقاش ما بيني وبين الشخص الي بيصيغ إنو 6 إبريل جبه أحمد ماهر .
بقول لة إنتا 6 إبريل . بيقولي يا بابا أنا من أول 12 مؤسسين الحركة في المنصورة.
فا بقول له . أحمد ماهر ولا الديموقراطية .. 
ام بصصلي كدا . قالي أه قصدك الي إحنا طردناهم ؟!! قلتله طرتهوم .؟! . قلي أه مفيش اساساً حاجه إسمها الجبهة الديمقراطية 
طبعاً أنا عضو سابق في الجبهة الديموقراطية ، فا سكت ومتكمش وفي الكورس دا شفت غلط غير مبرر من أعضاء أحمد مااهر في الديموقراطية . 
وأنا أتكلمت قبل كدا في الموضوع دا
 إنك ديماً حاول تكون وجهه للحاجة إلي إنتا بتدافع عنها . هنا

ما علينا .. نرجع لموضوعنا كتبنا دستورنا :D . وسلمناه .
وبعدين . 
روحنا . وأخر يوم . كان عبارة عن إننا بنختار ماسة من . 9 خانات . 
 بنحط فيها 9 قضايا .. 
ونعرضها علي جدار الورشة .. 

الفريق إلي كنت فية . بعد تشاور 
إخترنا دول:
سوء الخدمه الصحيه
2 التميز العنصري
3 تعاطي المخدرات
4 تلوث المياه
5 البطاله
6 الفساد الاداري
7 انحطاط الامن
8 عدم اوعي
9 العنوسه
وإخترنا 3 مشاكل .
 الموضوع : عرض 3 مشاكل من مشاكل مدينة شربين 
1المياة وتلوث المياة .
2 مشكلة الصحة (خاصة فيروس سي)
3 القامة وكيفية الاستفدة منها 


 وبعدها . عرضناة وبعدها قعندنا مع بعض . علي شان . نختار ها نعمل اية وننزل فين وكدا . 
قلنا ها ننزل شربين والكل وافق  . وبعدها جت واحدة قالت . لاء ها ننزل المحله . 
تمام مفيش مشكلة . لينا مصادر في المحله ؟ أه . المهم . خدنا ارقام بعض وروحت اول حاجة عملتها كريت . جروب زي مطبخ الفريق كدا .
وقسمنا المهام . المهم لقيت المصدر بتعنا في المحله مش قادر ينفذ الشغل المطلوب منة ، فا اقترحت ان الموضوع يتنقل شربين تاني .
وانا ها اقدر اظبط المصادر .وكدا قالو ماشي . فا الاخت الي كانت عايزانا نروح المحله ، قالت أنا ها ابقي صيمة ومش ها أقدر اجي خلاص ماشي . بدائت ورشة العمل . 
في شربين . 
ودا هوا الانتاج النهائي ، فريق العمل إلي حد ما كان شغال في العمل الميداني . رغم ظروف الطقس (الجو حر جداً) . بس كمالنا وكان معانا داتا كويسة . تشرفنا . ونعمل عليها بحث فعلاً يليق بينا وبتعب إلي تعبناة


فا فجأه ولظروف ما المكلفة بكتابة التقرير مش ها تقدر تكتب حاجة .
وأنا لمدة 12 ساعة . بكتب في التقرير . وأنا مش بعرف أكتب غير بلغة العامية .
إطريت أكتبة كدا ..

إضغط هنا .

.. من وراء الكوليس :D 


الشفشئ الازاز الموجود دا .كان فية سوبيا بس اتشفطت :D


عدد الساعات طبعاً علي شان اكتب بس علي الكيبورد والم المعلومات وأتذكرها من التسجيلات . من غير . ما أنسق كمان .

11 ساعة تقريباً


فا أنا :
أتمني يختاروني من الناس الي ها تكمل المشروع . :)\


’’ تحديث تم إضافة الصور أثناء الفعالية‘‘

الاثنين، 25 يونيو، 2012

الناس فرحانة

النهارده كان يوم تاريخي في حياة مصر ..



النهارده الشعب كله قاعد منتظر قدام التلفزيون أغلبية الشوارع فاضية ، والقهاوي ملياانة ناس  (عليا النعمة ولا كإننا ، بنتفرج علي متش مصر والجزائر). الشعب مترقب دخول اللجنة العليا للأنتخابات أول ما دخلوا كله هدوء هدوء .. الشوارع سكت هس.

تخيلوا معايا :

أنا بقي الكاميرا في زاوية الصاله .. ودخلت زوم وأنا بلف زي الجمل اللي في حديقة الحيوان حولين نفسه. وحاطط كفيني علي منخيري :D .

أنا ساكن في منطقة مابتنمش ليل ولا نهار

طبعاً أبونا الحاج بجاتو أول ما طلع ، كان ناقص يقول لنا (لو سمعت صوت مفيش رئيس) :D

المهم القاعدة أول ما سكتوا ، أنا سمعت واحد علي القهوة . بصوت عالي (متسكت بقي يا خرا إنت وهو) ..  الراجل عايز يتكلم :D ، ضحك للركب هووووووش هوووووووش ، قاعدين بنراقب بقي طبعاً  قعد يمجد في اللجنة ويفشخ ويظرب علينا ، ويطرطش .

قسماً بالله من كتر الهرتله جبت عيش وجبنة وطماطم وقعدت أكل :D ، ماخلصش قمت مريح شوية علي الكنبة ، وبدائت اسرح :D وفجأه لمحت بودني كدا .. كلمة فالنتيجة النهائية قمت اتنطرت وقفت أدام التلفزيون . وحاطط كفيني مشبكهم .. في قفايا :D .. أول ما قال النتيجة . رد فعلي ..

يايايايايايايايايايا.. هيييييييييه . طبعاً أبوية ببتسامة عريضة مين إللي كسب مرسي يا عمنا مرسي :D  وطلعت أجري في البلكونة ..

تخيلوا معايا:

منظرى واقف من فوق .. واخد زاوية . الشارع كله الله أكبر الله أكبر ، الحمد لله . الحمد لله

والشارع كله بيسقف ، أمت مسقف معاهم والستات في الشارع الله أكبر الله أكبر وواحده قامت طلعة البلكونة وخبطة زغروطة ..

تعليقي ، هما دخلو أورشليم ولا إية ؟! :D

.المهم . وطبعاً نفسي أهتف بس المكان إللي أنا عايش فية مش هايجاوبوا معايا ويعتبروني متخلف :D ، دخلت . بقي قلتلهم طبخين إية ؟! :D ، إنت مش لسه واكل دا  ماكملتش ربع ساعة يا إبني ؟!! ، يا ستي هاتي وخلاص فرحاااااااااان :D

أبوية بقي قعد ومتسلطن ، وبيقولي أهو كدا بقي ، عارف لو كانوا قالوا شفيق ، كانت حصلت مساخر والله

قلتله صدقتني يا حج . وعرفت إن نزولي في الشارع كان لية  قيمة ؟ ، والضغط الثوري كان لية قيمة قالي أه والله عندك حق هما لما شافوا الناس مش ساكتة فهموا فا جابوا النتيجة صح ،..

في الاثناء دي دخلت علي ما يحضروا الاكل :D .، لقيت محمد عصام بيكلمني

وبعتلي اللينك  دا ..

 https://www.facebook.com/M.Esam.Eid/posts/257669884342086

’’مااسمعش حد يقولي لجنه نزيهة اللجنه بنت كلب مزوره بصوا بقى الحقيقه اللي انا شايفها
المجلس كان بيحاول يعمل احباط في الشارع عشان الكل يقول هو كدا كدا شفيق كسبااان هننزل ليه؟؟؟ فشفيق ياخد فرصه أكبر في الفوز فأ احنا بنزولنا كقوى ثوريه وحملاتنا السلبيه ضد شفيق جبنا عليه نتيجه عكسيه ده كان دور الثوريين من نحية الشارع
دور الأخوان بقى كان من نحية اللجنه انهم بشبكة المندوبيين جمعوا جميع محاضر الفرز من اللجان الفرعيه ونشروها في جميع الوكالات والصحف وعملوها كتاااب كمان وبكدا اللجنه اتحجمت
دورنا أحنا الأتنين مع بعض بقى توحدنا ونزولنا للميدان ايد واااااحده خلى اللجنه تخااااااف ولو كنا متفرقين ومنزلناش كانوا هايزوروا كل دي اسباب منعت التزووييييييييييييير’’

بصراحة أول مرة محمد يكتب حاجة وتعجبني :D (بهظر) بس محمد جاب من الاخر

الموقف هدا وروحت أكل ونفسي مفتوحة جداً علي الاكل .. وربنا كنت بتوحش علي الاكل .. إية دا :D طبعاً ابوية بيقولي المفروض الناس تهداء بقي ، وخلاص في رئيس أهو ، قلتله .. تاني يا حاج ؟!! ، ها نسيب الميدان تاني يا بابا من الاخر الثورة مستمر لـ 30 سنة قدام مينفعش نغلط غلطة يوم التنحي ، دا المفروض كل واحد كده يختارلة يوم في الشهر ويروح الميدان فية علشان الميدان يفضل مليان ، ويبقي وسيله للضغط الشعبي ، ومتفرحش أوي كدا مرسي مش هوا المرغوب فية بس أهو أحسن من الشفيق :D ، طبعاً الحاج برضوا ما اتوصاش ، رن علي كل الفلول ، وقعد يقلهم ها اية رائيكم . قطعناكم :D ، وهما خلاص بقي يا عم عادل ، وخت التليفون أكلم واحد منهم ايوة يا عموو ، كل فل وإنت طيب ، قالي ماشي يا ايهاب بس لما اشوفك ما انتوا مش فاهمين حاجة :D ، قلتله خلاص ها اجيلك علشان تفهمني :D



الموقف خلص في البيت والحمد لله ، ونزلت  عمال أقابل ناس ، اهنيهم وناس اقلهم اه يا عالم يا فلول ، وإلي يعلق ويقول جهز بقي الكام بنطلون القصيرين والجلابية :D ، واللى يقولي يااه هم وإنزاح ، واراء كتير جداً في الشارع بس الاغلبية فرحانة ، والفلول معدش ليهم لزمة ، ولاد الجزمة :D بس يارب الشعب يعقل بقي ، وميتجننش تاني ، المهم معدي القهاوي كلها بتترفج علي بيان مرسي والناس استريحتله ، وناس متخوفة منة ، من بعض الكلام ، أنا لحد اللخظة دي ما اتفرجتش علي بيانة ، ومافتحتش تلفزيون ، بس اغلبية الناس حاسسهم مبسوطين ، بعدها بساعة معدي علي قهوة . ناس كتير وماتش ..إنجلترا وإطاليا ، والناس مبسوطة وجوووووووون وييييييييييييييييييييييييييييه .. :D ، .. أنا مليش في الكورة بس إلي عرفتة إن إطاليا كسبت

كان النهردة يوم حلوو ، دا غير الاحتفلات في الميدان وادواقتي الناس مولعاها ضمنة ، وشااااااااااااااي يا عزت

والصفحات علي الفيس الكل بيقلش اهو :D :D والناس فرحانة ياارب ديماً يا رب الناس تفضل مبسوطة ، بس الانبساط المبالغ فية مش محبوب

الأحد، 3 يونيو، 2012

أول إحتكاك ما بيني وبين الاخوان




طبعاً أنا ها أحاول إني .. أحكي من غير شتيمة لأنهم كلهم فعلاً ولاد مرة وعايزين يتحط عليهم ..


نصلي علي النبي ونخش في الموضوع علي طول ..

دعوات انتشرت علي الفيس
 ان في تجمع أمام مسجد الرحمة بعد صلاة المغرب
 طبعاً حولت إني انشر الدعوة بقدر المستطاع .
 وعملت تويتة علي تويتر وبعتها لكذا ناشط علي شان يعملها ريتويت 

 ودعيت صحابي الي ميعرفوش والي راحو المنصورة وخليتهم يرجعو شربين ..
علي اساس إن المظاهرة دي كلها ها تكون بنظام المعهود الي أنا بحضرة أن المسيرة بتقف في مكان . وتطلع علي طول وتلف شوارع البلد .. ومش بتكون علي فصيل معين أو الي بيدرها فصيل معين ..
 لقيت في سماعات علي أول الشارع وهتفات كدا مفهاش حماس . طبعاً هتفت برضة ، وعادي ومحطتش في دماغي

أو القصيدة .
واحد ام فقعنا خطبة الجمعه . والان مع عضو مجلس الشعب نائب شربين الاستاذ زعبله الاوله :D
طبعاً الشباب كانت بتهتف قدامة وهوا بيقدمة ..
فا أنا اتنرفزت
نركز بقي شوية في الي جاي دا

هوا اية دي هيا دي مظاهرة شعبية ولا مظاهرة للإخوان ؟!  ، هوا كان عمل اية في مجلس الشعب ،  دا والله البؤين الي أنا قلتهم . 

لقيت واحد كبير كدة ام مسكني قالي اطلع برة المسيرة قلتله يا عم إهدا في اية ؟
ام واحد شب زي الطحش مسكني من دراعي اطلع برة انتا مالك ومالة ومش عارف اية ولقيت الاخوان بيجمله بعضهم عليا ياولاد المرة :D
طبعاً ممنوع النقاش معاهم (معندهمش استعداد حتا للنقاش)
ومش قبلين اي كلام .. يا عم اهدا والله انا ما ها اعمل حاجة أنا مستغرب دا ... مقاطعات اطلع برة .. طب بس اسمع هوا عمل اية في مجلس الشعب وبعدين الي كان بيدعي كان يقول ان العضو دا جاي
طبعاً مشدات خدت حوالي دقيقتين وطبعاً كلها زق وشد وجزب واطلع برا المسيرة يلاا وقله ادب  .. أنا متأكد إني لو كنت شرموط زيهم كان زماني خشئتهم بس برضة أنا المبادئ هيا الي بتحكمني ..لاني نازل كا فرد من افراد 6 إبريل وأخاف علي سمعتها
المهم سقعت ورايح نحية البشمرشح الي واقف عمال يأيد في محمد مرسي .. لقيتهم بيزئوني برة المسيرة . شيفين التعريض مابالك بقي دول لو مسكو رياسة الجمهورية ؟!:D  هايحطو علينا .
وبعدين واحد جة اعد يبوس دماغي ويقولك حققك علينا ومش عارف اية .. ؟

كلمه اخيرة
 أنا كنت ناوي والله أنتخب محمد مرسي بس بعد التعريض المبتزل الي حصل النهردة دة . أنا مقاااااااااااااااااااااااااااااااطع .. وأي مظاهرة منظمنها الاخوان المتأسلمين والله ما احضرها وهما كدا أكدولي الكلام الي بيتقال عليهم


تحديث    بتاريخ 18/6/2012 12:43

إطريت اسفاً إني أعطي صوتي لمرسي:(

الأحد، 27 مايو، 2012

دا حمادة ودا حمادة تاني خالص




بداية الفكرة جاتلي 

لما تقابل نـاس ممكن تبقو أعدين بنتناقشه
وممكن تختلفو مع بعض 

وبعدها تقبله في الشارع لـو قلت له السلام عليكم ميردش عليك السلام 

من كام يوم

 أعد مع ناس فا كنا بنتكلم عن مرشحين الرئاسة
وكل واحد فينا كان بيدافع عن الي مقتنع بيه

المهم واحد ..من الي كانو قعدين متعصب قوي لشفيق .. فا لما هاجمناه ووريناله شوية فديوهات عنه 
كان الرد المباشر :
بنص (عليا النعمة إنتو مابتفهمو حاجة وعايزين تجيبو البلد ورا يلعن يحرق ) وطاخ طاخ طاخ . وام مهبل ..

 تبع شله حافظ مش فاهم :D

المهم  سكت وقلتله كل إناء ينضح بما فية
 
ومردتش أكمل نقاش معاة وإكتفيت إني أسمعهم بس ، المهم وإحنا مشين جاي أسلم علية حسيت السلام كدة في ميوعة (بيسلم من غير نفس)


(المعرفة أو الصداقة حاجة وإننا نختلف مع بعض حاجة تانية)

في بعض الناس بتخلط الامور في بعضها يعني أنا إختلفت معاك فكرياًً
مش معني كدة إنك متتقبلنيش لدرجة إنك تتعامل مع الي عارض أفكارك بعد كدة بطريقة مش كويسة أو سطحيا


 إختلفنا فكريآ أه بس دا كله ملوش دعوة بالصداقة أو المعرفة


ممكن أكون أنا صح ممكن تكون إنتا صح 
بس مكنش في داعــي إنك تشتم إلي يختلف معاك

وتخلط الأمور
الفرق الوحيد بين المناقش الجديد عن غيرة

إنه لما يخلص نقاش حاد مع حد بيسلم علية . ويحاول يفصل خالص ما بين النقاش والمعرفة أو الصحوبية  ..
ويحاول يكون ديمآ محافظ علي هدوئه واعصابه  مع الي بيناقش معاة والنقاش معناة يا تقنعني يا اقنعك إنما متقدرش تفرض رائيك عليا ..

ديمآ وإنتا بتدافع أو بتتكلم مع حد عن حد حاول إنك متكنش صورة سيئا للبتدافع عنه

الخميس، 24 مايو، 2012

حتي لا ننسي اسماء المدن في فلسطين

علي شان مننساش اسماء المدن الفلسطنية الي تم تهويدها من قبل الاحتلال الصهيوني علي فلسطين "العربية الي يوم القيام"
أسامي المدن دي نقلتها من مدونة Manshy007  
ونقلتها علي شان الكل يعرف الاسامي الاصلية للبلاد الي بتتهود ..


  1. ام خالد --> نتانيا
  2. ام الرشراش --> ايلات
  3. تل الربيع --> تل ابيب
  4. ساريس --> شورش
  5. بيت محسير --> بيت مئير
  6. عين الشمس --> بيت شيمش (مش متأكد بالضبط من الاسم الفلسطيني)
  7. بيتين --> بيت ايل
  8. دير ياسين --> جفعات شاؤول
  9. القسطل --> مفسرت تسيون
  10. بيت نقوبا --> بيت نقوفا
  11. قالونيا --> مفسرت بروشالاي
  12. عسقلان --> أشكلون
  13. ابو شوشة الجنوبي الغربي --> بتاحيا
  14. أبو شوشة الغربي --> بيت عزيل
  15. أبو شوشة ( جنوب شرق حيفا ) --> مشمر هاعمق
  16. الشاطئ الغربي لبحيرة طبرية --> جينوسار
  17. قرية أبو الفضل --> تلمي منشه - نحلت يهودا - نيتاعم
  18. قرية أم الزينات --> الياقيم
  19. قرية إذنبة --> هاروبيت
  20. قرية أم الفرج --> بن عمي
  21. بربرة ( نسبة للعنب البربراوي التي كانت تصدره القرية ) --> مفقعيم
  22. أسدود --> سدى أوزياهو - شيتوليم - بنى داروام - جان هاداروم - ميناء و مدينة أشدود
  23. إشوع --> هارتوف - أشتاول
  24. أم العمد --> آلوني آبا
  25. بـَتـّير --> هيفو بيتار
  26. البروّة --> أحيهود
  27. بُرَير --> زوهر - حلتس - تلاميم - برور حايل
  28. البرية --> عزرياه
  29. البشَاتِـوَة --> نفى أور
  30. بَشِّـيت --> بناياه - ميشار - كفار مردخاي - زخردوف - كنوت - عشيرت - شدما
  31. البصة --> بتست - مطار بتست العسكري
  32. البطاني الشرقي --> أوروت
  33. البطاني الغربي --> عزريقام
  34. بيت جيز --> هرائيل
  35. أم المِـيس --> رامات رازئيل
  36. بِـيَـار عدس --> جينعام
  37. برقة --> جن ينفه
  38. قريتا إجليل الشمالية و القبلية --> جليلوت ضاحية مدينة هرتسليا حالياً
  39. تل الترمس --> تموريم
  40. بيت جبرين --> بيت جفرين
  41. بيت داراس --> زمورت - جبعاتي
  42. بيت دجن --> بيت داجان
  43. بيت سوسين --> تاعوز
  44. بيت عطاب --> في شمالها  نس هاريم-- في شرقها برجيورا
  45. بيت عفـَّـا --> يدناتان
  46. بيت نتيف --> أفيعيزر
  47. بيت نقوبا --> بيت نقوفا
  48. بيت نوبا ( منطقة اثرية ) --> معسكرات للجيش الصهيوني
  49. بير سالم --> نس تسيونا - بير يعقوب
  50. بيت محيسر --> بيت مئير
  51. تربيخا --> شومراه
  52. تُلَيل --> يسود همعلاه
  53. آبل القمح --> يوفال
  54. الحديثة --> حاديد
  55. الحسينية --> حالاتا
  56. حُليقات --> جلتس
  57. حطين --> شمالها الشرقي كفار زيتيم - جنوبها الشرقي أحوزات نفتالي - شرقها كفار حيتيم
  58. حمامة --> نتسانيم - بيت عزرا
  59. الحمة ( منطقة ينابيع كبريتية ) --> تم بناء منتجع سياحي على انقاض القرية
  60. الحمراء --> طيرة تسفي - سدى إلياهو
  61. الحميدية --> همدية - إيرغون درور
  62. حتّا --> رفاحا
  63. الحرم --> رشف ضاحية مدينة هرتسليا حالياً
  64. الخالصة --> كريات شمونا
  65. خٌبيزة --> ابن يستحاق
  66. خربة خُرَيش --> يارهيف
  67. خربة بيت فار --> تسلافون
  68. خربة الشيخ محمد --> هوغلا - الياشيف - جيئولي تيمان - كفار فيتيكين - كفار هاروع
  69. الهراوي --> راموت نفتالي
  70. خصاص\صفد --> هاغوشريم
  71. خصاص\غزة --> تم تشريد أهلها و إزالتها من الوجود
  72. خُلدة --> مشمار دافيد
  73. الخلصة --> ريفينيم
  74. خيام الوليد --> معالة هباشان
  75. الخيرية --> كفار همسابيم
  76. بلد الشيخ --> تل حنان
  77. تُبصرُ --> رعنانة
  78. الجاعونة --> روشبينا
  79. جب يوسف --> منشآت مشروع نهر الاردن و النقب
  80. جبّول --> بيت يوسف
  81. جِدَّين --> موقع سياحي
  82. جسر المجامع --> جيشر

السبت، 19 مايو، 2012

عايز تنتخب مرسي؟

قصقوصة .. 
كلمه بسيطة بتوصف الي أنا عايز اقوله .. 

عايز تنتخب  محمد مرسي ؟!. ومالو إنتخبووه 
بس إنتم مش ها تنتخبو محمد مرسي نفسو إنتو بتنتخبو كيان الاخوان بلأكمل يعني رئيس الدوله الفعلي هايكون المرشد العام

الأربعاء، 16 مايو، 2012

رساله الي حزب الكنبة


السلام عليكم ورحمة الله وبركاته

 
أنا قررت أعمل التدوينة دي .. بعد إلي شفته والي سمعته الأيام إلي فاتت دي ..
 
أبتدئ الموضوع من النقاش مع ناس اعرفهم ..
 
بقول له ها تنتخب مين ..؟
 قالي والله مش عارف بس كل .. الناس ها تدي لشفيق وكفته رجحه
 
قلتلو برضه ها تدي لمين ؟
 
 قالي ها اعمل زي الناس وادي لشفيق
 
قلت له إنت شايف كدا . وكان هاين عليا أعيط لأني مش عارف أتكلم معاة إزاي دا !
 
المهم قلتله أنتا عايز تنتخبو لية قال لي هوا الوحيد إلي ينفع للمرحله دي
 
قلتله إزاي ؟ قالي زي الناس راجل برنامجه حلو ..
 
قلتله هوا إنتا شفت برنامجه قالي لأ
 
 قلت له امال اية برنامج حلو دي ؟
 
قالي يعني كلامه حلو قلت له طب وهوا الواحد ها يغلب في كتابة كلام حلو ؟
 
دا راجل فاسد وإحنا عملنا ثورة علي شان معدناش نشوف الناس دي  ..
 المهم يعني لقيته معندوش استعداد إنو يتناقش زي ما يكون متبرمج  المهم .. الشخص دة أنا اعرفه معرفة قوية
 
 . رحنا انا وهوا عند ناس معارف في  دمياط لقيت وإحنا مشين في دمياط شارع الكباس يوم الجمعة 11/5
 
لقيت ناس رفعين صور للمشير أول كلمة نطقتها (العبد يحب جلادة) .
 
يعني ناس تقول  يسقط يسقط حكم العسكر ، طب مسألتش نفسك لية لما يقوله كدا بيموتهم  و بيتقتلهم  ؟
 
 وفي نفس الوقت دا لو جينا نفكر نفس الشباب الي بتقول يسقط يسقط حكم العسكر بيتقدمه للتجنيد ومحدش منهم بيتهرب .. مش كرة في الجيش لاء المصري عندو عقيدة قتالية ثابتة بس للأسف القيادات بتغيرها للأفراد
مثال
ممكن اللواء يقول  عرفين دول دول قتلو زميلك و عمله وسو و هما لا حول لهم ولا قوة معزولين في الجيش ميعرفوش ان القيادات تستخدمهم في لعبة وسخة
 
طب سؤال للجندي .. أيام نزولك للشوارع مش كانت الناس مرحبة بيك وبعدين مجلسك الموقر (مجلس الخزي والعار) عراك قدام الشعب كلو وخلي كرامتك في الارض ؟ استخدمك في لعبة سياسية قذرة
 
معلومة:إسقاط المجلس سياسياً لا يسقطه عسكرياً
 
 
المهم طلعت اعت مع واحد انا والشخص دا .. فا بتكلم في موضوع المظاهرة دة .. وإن الي ماشين فيها ماشين بطريقة غريبة ومش منسقة بدليل إنهم و هما  دخلين من شارع لـ شارع عطلوا الطريق
 
لقيت الشخص إلي إحنا رحنا له  دا ..
 
علي فكرة انا كنت ماشي في المظاهرة دي يا ايهاب ، والناس دي مش موجها ، دا نبض الشارع الحقيقي مش العيال الي بتروح التحرير وتقولك يسقط يسقط حكم العسكر .  الجيش دة هوا إلي حمينا وعلي جسسنا لو أسقطوه  و ما ينفعش جيش مصر يسقط  (وشغل حافظ مش فاهم دة ..)
 
المهم حولت محتكش معاة في كلام لان النوع دا يستفزني لدرجة غبية إني ممكن افقد أعصابي ..
 
قالي طب انا ها أشهدك شهادة حق قلت له  أتفضل ..
 
قالي عجبك الي حصل في العباسية دا راحين يقتحمه وزارة الدفاع ..
 
عرفين الايموشن دة :D
 
أنا بينت سناني زيو بظبط وربنا :D
كل ما افتكر شكلي كان شكلي مسخرة :D
المهم .
 
قلتله  طب بمناسبة العباسية .. بقي والكلام الي حضرتك بتقوله ..
 
أولآ كل شخص يكلفلو حق الاعتصام السلمي تمام ؟
 
 قالي بس مش قدام وزارة الدفاع ..
 
قلتلو لاء طلاما التحرير الكل مسقعله ممكن الاعتصام يتنقل في اي مكان طلاما محدش بيسمعلي .. وطلاما انا سلمي ..
 
قالي برضو مينفعش دا الجيش يا ابني ..
أمت باصصله كدة .. لقيته بيهز راسو عرفين هزة الثقة دي وعوجه البؤ :D .لقيته بينفزها
 امت مبتسمله وقلتله انا مش ها ينفع أتكلم بعد الكلام الي انتا قلتة دة .. (بيني وبين نفسي ، انتا لو مفيش فرق بيني وبينك حوالي 19 سنة كان زماني رضيت عليك بأسلوب مش تمام ..
 
 
المهم قلتلو . اولآ حق الاعتصام السلمي مكفول لأي حد ولأي شخص ولأي تيار .. ومن حق الجميع إن هوما يعتصمو طول ما في مطالب عايرنها .. ومتحققتش
 
أنا معاك انو غلط يعتصموا لشخص والكلام دا كلوو بس مينفعش يتعدي عليهم .
 
 قالي وهوا الجيش أتعدي عليهم ؟!
 
قتلو لاء الجيش جاب بلطجيا يتعدوه عليهم
 
قالي لية هوا الجيش ناقص رجل ولا أيد دا اقوي جيش في المنطقة ..
 
واداني ترتيب توفيق عكاشة نفسه ميقولوش  . الجيش المصري يا ابني  الثالث علي العالم وعلي فكرة بقي الحسنة الوحيدة الي حسني مبارك عملها هيا انو قوي الجيش المصري ..
 
نفس الايموشن :D ..
 
قلتله علي فكرة في كلام كتير مغلوط في الإعلام مينفعش ان واحد عاقل ينساق وراة أنتا عارف ان تسليح الجيش كلو تسليح أمريكي .. دا غير انو بيكون تسليح عفا علية الزمن يعني كل قطعة سلاح عندكـ معروفة ومعروف مصدرها وعندهم المضاد ليها ..
طب فين التكتيك والإستراتجية  بتاعه الجيش ؟!
الجيش إلي معتمد كل اعتماده علي سلاح بيفوت علية الزمن في أمريكا ويبعتهولك  ، وبعدين مبارك كان هوا والقادة بيعملو علي إضعاف الجيش مش تقويته
قلتله طب ممكن نرجع للنقطة الي كنا بنتكلم فيها وهيا التعدي
طبعآ هوا من النوع الي هوا ممكن الموضوع يبتدي بحاجة ويدخلك في مليون حاجة .. المهم رجعنا للموضوع
قلتلو في حاجة اسمها حقوق الإنسان .. صح ؟
 
 قالي مالها يعني
 
قتله لو الجيش ضرب المتظرهين وفض الاعتصام السلمي ها يفضح نفسه إنما هوا يجيب بلطجية ويصدر الشعب للشعب
 
 قالي واية دليلك علي كده قلتله الدلايل كتير لو تحب أعدلك
 
 قالي عدلي
 
قلتله أولآ الخرطوش إلي كان بيضرب من البلطجية علي المعتصمين كله إنتاج المصنع الحربي اية رائيك ؟
والأكل الي كان لما الشباب راحو  المكان الي كان فية البلطجية لقوة اكل عبارة عن وجبات جاية من مكان عسكري (مش فاكر اسمو والله)
 
 قالي وأية الدليل علي كده
 
 قلتله في صور وفضايح  .. في كل مكان بص يا عم محمد من الاخر .. كدة
هيا الحقيقة وحدة بس كل واحد وثقافته أنتا عايز تطلع المجلس العسكري انو غير متواطئ وغير متخاذل دي وجهة نظرك بس الحقيقة غير كدة
كل واحد يحلل من وجهة نظرة بس الحقيقة واحدة المجلس العسكري كلب مبارك ومتواطئ وراكب الثورة ومدلدل رجلية وحولها لانقلاب عسكري باحت صح ولا انا غلطان

(علي فكرة انا مش ها أجيب اي صور في التدوينة دي بس ممكن لو عايز تعرف دور و شوف وابحث علي شان ماتنساش لاإننا بننسا بسرعة  وأنا لو جبتلك الدليل ها تنساة لو دورت علية بنفسك بهدف انك تدور علي الدليل بهدف انك عايز تعرف الحقيقة عمرك ماتنساها )

 قالي لو في كل العبر مينفعش يسيب الدوله  طب يروح فين إزا كان هوا موجود وفي بلطجة و و و ؟!!
 
 
قلت له  دا علي أساس إنهم لو مش عايزين يجيبه البلطجية مكنوش جبهم معني كدة ان جيشك ضعيف
 
 قالي لاء مش ضعيف بس ملوش في العمل بتاع الناس المدنين إلي زيي وزيك
 
قلتله اونا راضي ذمتك طالما ما هوا ملوش يدخل فية لية ؟ (طبعا هدفي الوقتي اني اوريله تناقض كلامه) المهم قالي انتا ها تنتخب مين؟
 
 قلتلو ما تخلينا نكمل
 
 قالي ها تنتخب مين بس
 
قلتله لسا مقررتش
 
 قالي انتخب عمرو موسي .. امت باصص له  بصة كدة قالي اة مهوم شباب الثورة مش عجبهم
قلت له وهوا عجبك ؟
 
 قالي اة راجل عندو شبكة اتصلات عالمية يبني ليك  اقتصادك في لحظة ورجل دوله  .. وراجل هيبة وخبرة وحنكة عن غيرة ..
 
تقلت بلساني مردتش ارد علية علي شان يجيب كل الي في بطنة
 
قالي بص يا ايهاب انتا لسا صغير يا حبيبي و عاوز   أوصلك حاجة إلي انتا لسا ها تفكر فية انا فكرت فية ..

برضه تقلت
 
قالي بص م الاخر لو جبت ابن حسني مبارك من السجن
جمال و حطيتة ها يعمل الي الشعب عايزة
 
قلتله وانتا عامل ثورة علي شان كدة
 قالي إيهاب هيا فين الثورة لو في ثورة فين المحكمة الثورية يا بتاع المدارس
قلتله ما هوا كلامك دة وتأيدك لشخص زي دة . وتأيدك ايام الـ 18 يوم انا معرفكش ايام الثورة بس كلامك بيدل علي موقفك . يعني .
 حسيت انو عطل كدة ..
وقالي يعني اية قلتله يعني لو كنت حضرتك مكنتش قلت العيال الي في التحرير دول بيعمل اية . كان زمان بقي في محكمة ثورية لو كنت حضرتك نزلت وسهمت
 
وكانت الثورة بقي ليها زعيم بس هوا قبيل من الناس الي عطل الدنيا بخوفهم .. (نعمل اية العبد يحب جلادة )
كلو خايف
وكان في تون غريب ظهر اياميها ..
اهو الي نعرفة احسن من الي منعرفوش والناس أعدت تعيط وتبربر
..
 قالي كلمة حرقت دمي قالي بص انتا سواء ها تأيد ابو الفتوح ها تأيد صباحي أو ها تأيد

خالد علي العيل دة ابو شخة الي ميعرفش يمسك وزير حتا .

 طبعاً الوصف معجبنيش 
 قالي كله ها يقدم  تنازلات لعمرو موسي طبعا أضطريت  إني انهي النقاش . لان مكنش عندي استعداد بعد الاستفزاز الي حصل دة . والكلام
حافظ مش فاهم أني أتناقش معه تاني ..
 


فا رسالتي إلي حزب الكنبة :
 
بص حوليك شوف في ثورة في مصر والله في ثورة
 وبمجرد انتخابك لواحد كان في النظام القديم أو علية شبهات من النظام القديم
 كده انتا بتقضي علي الثورة ، وكل كدة الثورة لازم تنجح ولو بعد 50 سنة بس يوميها حفيدك ها يدعي عليك وأبنك كمان ها يدعي عليك
 ما تتنتخبش فلول  لان في شباب  مات علي شان يكون في ثورة وقدم روحه للبلد فدانا كان الشباب عارف ان الأمن بيقتل الناس و بينزل  علي شان نسقط ديكتاتور والديكتاتور لسا ما سقطش  .. مش عايزين نرجع تاني نعيد نظام كان يسرقني ويسرقك ضيع حلمك . ضيع حلم أبنك فكر شويا مين الي عايز الناس دي يكونوه موجودين ..؟
علي شان يكونوه  هوما الي ظهرين ويتحكم فيا وفيك تروح المجلس المحلي ويعملك حاجة من حقك كأنها خدمة و بيكسر عينك بيها  

بص في مدينتك ها تلاقي الناس إلي كانت يتمشي ورا مرشحين الحزب الوطني إلي كانت ايام الثورة كانت عايزة تهد الثورة ومش عايزة الثورة تنجح عايزة يكون النظام القديم هوا إلي سايد عرفين لية علي شان ليهم مصالح شخصية وها يتحاموا فية علي شان كدة بيحرب الثورة
 أنتا ملكش دعوة بكلام دة؟! ،  يبقي ما تسعاعدهمش  إنهم يضيعو حلم شاب كان نازل ايام الثورة وقايل لأمو انا نازل وها اجي اتغدي  ومرجع لهاش
 ماتضيعوش حق خالد سعيد إلي ضربوه وقتلوة وبهدلوة وشوهوة وطعنووو فية وقالو دا بيشرب مخدرات  لو إبنك ترضي حد يقول علية كدة لو أخوك ترضي حد يقول علية كدة

فكر شوف مين المستفيد الاول والاخير من تواجد الفلول واحد زي شفيق او موسي
 

و محدش يضحك عليك ويقولك اي حد هايجيي هايعمل الي الشعب عايزة الثورة دي اتعملت علي شان تسقط نظام وفساد متحولش تكون انتا جزء من الفساد وماتنسقش ورا كلام ومتفكرش في مصلحتك وبس ، مرشح او حمله مرشح في ديرتك وعدتك انها ها تعملك وتسويلك مش ها اقولك إنتخب مين بس ها اقولك إنتخب حد من الثورة خلي الثورة تحكم اديها الفرصة تحكم ومش هاتندم صدقني والله لو الثورة حكمت مصير مصر والبلاد الي حوليها هاتكون احسن صدقني ومتنسقش ورا كلام وبس فكر وركز ..
 
الجيش المصري . المجلس العسكري دخل بية لعبة سياسية علي شان يحمي مبارك أحموا الجيش بوقفكم ضد الفلول ابنك الي داخل يتجند  دة بيستخدمه في حرب اقل ما يقول عليها إنها حرب وسخة علي شان يحمو مبارك
وبيشوهو تشويه جامد قوي في المرشحين الثورين وبيقولو ليهم كلام بالباطل متنسقش ورا كلام حد وانا مش بفرض عليك رائي بس انا بقولك إحنا في ثورة
 يعني هدم فساد وبناء امجاد زي ما قال الشيخ الشعراوي وإحنا لساا في هدم الفساد
 وزى ما قلت لك قبل كدة فكر وشوف مين المستفيد من اليله دي كلها هوا نفس الشخص الي كان مستفيد من عضو مجلس الشعب في ديرتك الي كان يمشي وراة ويطبله ويهلل علي شان ياخد منه فلوس
والفلول لو حكمت أمثال
عمرو موسي
أحمد شفيق

 مصر مش هتقوم لها قومة

فكرك إن الشباب مش ها تسكت الشباب والناس الي خيفة علي الثورة مش خايفة علي كرسي او علي فلوس او منصب  الشباب الحقيقي الي خايف علي مصر مش ها يسكت وها ينزل الميادين وها يطالب بإسقاط النظام
 فكرك إن لو احمد شفيق مسك ها يحاكم مبارك ؟

ها يجيب حق الناس إلي ماتت؟

 ها يحاسب المسؤلين هايحاسب حد من الي اخطائ ؟.في المجلس العسكري ؟!
 
حكم عقلك وجاوب علي السؤال دة . وشوف برضو مين المستفيد؟!